SFF07 festakArgi dago parranda gustukoa dugula! Gure jaialdia edukiz serio izateaz aparte, gure asmoa da dibertigarria izatea: kontzertu onak, festa onak eta batez ere barreak! Iazko amaiera-partya kristorena izan zen! Guardetxea tope bete zen stuPEFACTOSen eta ezustean sartutako banda baten kontzertua ikusteko. Pena handia dugu Guardetxean berriro zerbait egin ezin izateaz, gajoa erre egin baitzen: hemendik agur bat bidali nahi diogu berriro martxan jartzen saiatzen ari den jendeari, merezi dute eta, Donostiako gure belaunaldiarentzako ezin besteko tokia da.
Aurten kontzertu bat dugu Festibalaren aurreko larunbatean motorrak berotzeko; kontzertua eta festa, berriz, ostiralean; eta barbakoa eta festatzarra larunbatean.
Larunbata Ekainak 30
Lugaritzen :
KONTZERTUA Travolta, (Mercromina eta Surfin Bichos izandakoen banda).
El efecto amor delako diskoa aurkeztuko dute. Surfatzen ez dutela uste dugu, baina haien aurreko bandaren izena ikusita, lasai geratu gara.
TRAVOLTA (21h00) + KUL (20h30)
Eguna: Ekainak 30 2007
Ordua: 20h30
Tokia: Lugaritz Aretoa / Pº Heriz s/n Donostia
Larunbata Ekainak 9 PARRILLA TA FESTA !
Café de la Playan, Zurriola Hondartzan
Larunbat gauean hondartzara goaz! 22:00etatik aurrera barbakoa eta
festatzarra Zurriolako Café de la Playan!! Kurando bere
dancehall eta reggaea aldean dakartzala; Gaby Maratón Funk
dotore salto egiteko martziano-zerak ekartzen; Nota bere stail eta
elkarri helduta dantzatzeko kantu ederrekin, surfingeko filmen
emanaldiak... Guztia ere oinak gustura harean sartuta…
Ostirala Ekainak 8
E-GAZTEA SURFILM FESTIBAL PARTY
Doka-n (Donostiako Kafe Antzokia, Kandela ohia)
Actuaciones: Andrew Kidman a las
00:00 eta ELEKTRORADIOGRAMA (DJ ARKA) vs. BOOM SHAKA LAKA (DJ MAKALA)
Andrew Kidmanek,
erakusketa eta honezkero klasiko bilakatutako bere Litmus filma
aurkeztu ez ezik, hainbat gai jorratuko dizkigu ere. Ia txantxetan The Val Dusty Experiment
sortu zuen, Litmusen soin-banda osatu zuen taldea. “Ia
txantxetan” diogu; izan ere, Ozeko Byron Bayko taberna batean
open mic gaua zutela ikusi zuten, izena eman eta arratsalde batean
abesti batzuk sortu zituzten. Eszenatokira igo eta amaieran bota egin
zituzten ia, egiten zituzten behien hots eta argi eta garbi eskarmentu
gabeak zirenen sasiakordeen artean! Orain, berriz, zailduagoa dugu
Kidman, eta bere gitarraz kantu lasai batzuk joko ditu.
Eta zer esan Makalaz! Ezagutzen
ez duenarentzat, esan dezagun longa jotzen duela, garai batean
Ketarriko “Surf Festak” gogoangarriak muntatu zituela;
Linbur-eko kidea da Igor Eizagirrerekin batera, musika egin eta jotzen
du eta, gainera, diskoak jartzen ditu. Reggae, dub, latin, elektronika,
gustura eta bero dantzatzeko behar den guztia! www.makala.info
