Patrick Trefz egileak orain bi urte Thread proiektuarekin liluratu gintuen eta bere proiektu berriaren argazki-bilduma aurkezten digu orain: Idiosyncrasies. Surfari buruz duen ikuspegi berezia erakusten digu berriz ere Patrickek, surfaren hedabideen ikuspuntutik urrun dauden pertsonaia paregabeen bidez, batzuk ospetsuagoak eta besteak ez hain ospetsuak, baina euren historiek zirrara egiten digute.

Surfaren inguruko sentsibilitate oso pertsonalak eta ikuspuntu aurreratuak dituzten pertsonen taldea da. Surflari horiek beren bideak zabaldu dituzte, ezarritako inolako joerari jarraitu gabe, soilik nahi zutena eginez. Guztiak paregabeak dira, eta ba al dakizu zer den onena? Inork ez ditu ezagutzen. Tira, gutxi gorabehera, baina ziur naiz guztiek izugarrizko poza sentitzen dutela olatuak hartzen dituztenean.

Proiektuak hiru atal ditu: argazki erakusketa, filma eta irailean kaleratuko den liburua. Idiosyncrasies filmaren errodajean sortutako argazkiak Nocolor Galeriak erakutsiko ditu. Tamaina eta forma desberdinetako argazkiak daude, eta bilduma arnasa kentzen duten erretratuez, olatu bakarlari perfektuez eta erretratatutako pertsonaien surfaz osatzen da. Trefzek Europan egiten duen lehen erakusketa da eta argazki hauek erosteko aukera paregabea da.

Patrick Trefz pertsona bitxia da. Argazkilari ospetsu baten semea, Alemanian hazi zen. Egun batean Santa Cruzera iritsi eta bere bizileku bihurtu zuen. Surfak bera bezalako pertsonak behar ditu surfaren kultura irudikatzeko. Gauza askorekiko interesa duen jendea, uraren barrutik eta kanpotik egia harrapatzeko sentiberatasuna dutenak. Patrick behatzailea da. Lehenik eta behin lagun bilakatzen da, eta zure izaerarekin harremanetan jartzen da errespetu osoz. Une horretan prest dago... ekiteko edo oso modu naturalean galderak egiteko, eta ez da antzematen kamera gainean duela. Beraz, Idiosyncrasies proiektua horixe izango dela uste dut: surfaren mainstream kulturaren barruko pertsonaia oso berezi eta errebeldez osatutako taldearen hitzei begirada zintzo eta pertsonala. Eta guk mota horretako errebeldeak maite ditugu. Surfak haien beharra du establishment aspergarriaren bidez nabigatzen jarraitu ahal izateko. Izan ere, hala da, ASPERTUTA gaude!