Grupo LATAM Airlines-ek aurkeztua.

Surfilmfestibal-ek Txilerekin erlazio estua du, Rodrigo Farias errealizatzaileak Surfilmfestibal4-ean aurkeztu zuen Origen filmarekin hasi zena. Denborarekin lotura hau sendotzen joan da Surfestival Chile-ri, Angel Marín-en Proplaya asoziazioari eta 180º South-en estreinaldi europarrari esker. Feeling berezi batek batzen gaitu!!

Aurtengo edizio honetan, olatu ikaragarri, surflari ausartak eta paisaia eta kultura apartak dituen herrialde honen inguruan oinarrituriko hainbat eduki egin ditugu. Pelikula (El Hijo del Pescador eta Viejo Perro), argazki (Rodrigo Farías) eta Ramón Navarro surflariak aurkezturiko #LobosPorSiempre proiektuari esker, herrialde honen identitatea erakusten dugu.

Gainera, Grupo LATAM Airlines-en kolaborazioari esker, Txilera bi bidaia zozketatuko ditugu Punta de Lobos proiektuan laguntzen duten pertsonen artean.