2012ko ekainaren 8an Tavaruara (Fiji) iritsi zen 50 oineko itsasaldi epikoari buruzko dokumentala. World Champioship Tour-eko txapelketa batekin kointziditu zuen swell-ak, eta ez ziren surflari asko olatu borobil eta erraldoi haietan irristatzeko gai zirenak. Olatu handietako munduko surflari onenek txapelketako partaideekin batera, olatuak arraunean hartuta inoiz egin diren tutu erraldoi eta perfektuenak egiteko aukera izan zuten.

Thundercloud, Fidjiko biztanle zaharrek reef honi deitzeko erabiltzen zuten izena da, eta izen bereko filmak Cloudbreak olatu ezagunaren istorioa kontatzen digu; nola eman zen olatu pribatu izatetik, denek surf egin ahal izaterako jauzia. Aipatu bezala, 2012ko ekainaren 8an izandako surf saio epikoak ere azaltzen dira pelikulan: surfaren historian egun gogoangarria, beren beldurrak gainditzeko gai izan ziren surflariak, olatu erraldoi eta tutu zital borobilak, surfaren mugak haratago bultzatzen jarraitzeko pasio arriskutsua…