Orain dela urte batzuk, surf giroko homosexualen komunitateak ez zeukan elkarrekin komunikatu eta esperientziak elkarbanatzeko plataforma edo modu kolektiborik. Gabezia horren jakitun, Thomas Castetsek gaysurfers.net sortu eta munduan barrena bidaia bat hasi zuen 2010.urtean, surf kulturako jende ezberdina ezagutu eta harremanak indartzeko asmoz. Hortik sortu zen Out in the line up dokumentala ekoizteko ideia. Dagoeneko filma EEUU eta Australiako jaialdietan barrena ibili da, eta pelikula onenaren sari bat eta publikoaren beste bat jaso ditu.

Aurtengo edizioan proiektatzeko irrikaz gauden filmetako bat da hau, surflarion artean ezkutuan egondako gai bat jorratzen baitu: tabutzat hartu den homosexualitatearen gaia. Out in the line up Surfilmfestibal 12-an estreinatuko da Europan, eta talde teknikoa osatzen duten kideetako batzuk gurekin izango ditugu: Thomas Castets (ekoizlea), Bruno Amaral (argazki zuzendaria) eta Franco Vargas (surflari ekuatoriar protagonista).

Elkarrizketa Thomas Castets

Laburpena:

Bi surflari gayk bidaia bat hasten dute munduan barrena, surfean tabu izan den homosexualitatearen gaia argitara emateko. Itzalpetik ateratzeko prestatzen ari den komunitate bateko kide dira orain, eta onartuak sentiaraziko dituen surfeko kultura irekiagoa sortzeko irrika bizia dute.

Director: Ian Thomson
Productor: Thomas Castets
Coproductor: James Cogswell
Productor asociado: Don Reddin, Ian Thomson
Editor: Campbell Wilson
Música: Glen Walsh, Cinematic Orchestra, Alekesam, Ian Masterson, Current Swell, Charles Webster…
Casting: David Wakefield, Thomas Castets, Cori Schumacher, Robbins Thomson, Barton Lynch, Keala Kennelly, Barney Frank...