Daniela Garreton erakusketa inauguratuko dugu maiatzaren 29an  Galerian. Egun Donostian bizi arren, Danielak Txilen hasi zituen margolari lanak, 4.000 kilometroko kostaldea duen herrialdean, eta, horrenbestez, itsasoa berehala pasio bilakatu zitzaion. Bere lanak ozeanoarekiko sentitzen duen errespetu eta maitasun izugarria islatzen du, askotariko teknikak eta marra zehatz eta biziak erabiliz. Papera eta egurra darabiltza marrazkiak egiteko, eta marka ezagunekin ere elkarlanean aritzen da surf taulak edo handplans-ak ilustratuz.

Formatu handiko inprimatzeak xehetasun txikiekin nahasten dituzten zentzumen anitzeko erakusketak dira, muga honen bi aldeetan ikusmina duten guztiei zuzenduak. Zain gaituzue!

NoColor Galeria, Kolon pasealekua 37, Donostia. Maiatzak 29 – ekainak 28