Surf Foto: Surfari buruzko argazkilaritza tailerrak. Casa de Cultura Gros-Okendo, Taller 1 -Av de Navarra, 7, Donostian

Xsories-en elkarlanari esker, surfari aplikatutako argazkilaritza digital eta analogikoa lantzen dituen tailerra sortu dugu;  Pacotwo eta  Roke, gure kostaldeko bi argazkilari aktiboenek emango dute. Argazkilaritzarekiko interesa duen eta bere argazkiak hobetzeko oinarrizko ezagutzak ikasi nahi dituen orori zuzendutako ikastaroa da. Ez da aurretiazko ezagutzarik izan behar, beraz… ez dago aitzakiarik!

Ikastaroa ekainaren 21ean izango da, 16:00-20:00 bitartean, Casa de Cultura Gros-Okendon. Ikastaroaren edukia:

1. Zergatik erabili gaur egun argazkilaritza analogikoa?
• Abantailak eta desabantailak
• Ekipoak eta formatuak: 35mm, 120mm, 4x5, 8x10, bat-bateko argazkiak, Pinhole
• Filma: film motak, errebelatzeak
• Prozesu mistoak eta workflow: eskaneatzea, filmen eskanerrak, kolore doikuntzak, irteteko prestakuntza

2. Surfaren arloko argazkilaritza digitala
• Beharrezko gutxieneko ekipoa: kamera, objektiboak, akuatikoa.
• Oinarrizko arloak: argia ezinbesteko elementu gisa, teknika eta konposizioa
• Workflow: RAWS errebelatzea, automatismoak
• Ikuspuntu profesionala: nola bidali materiala aldizkari eta web orrietara, aholku erabilgarriak.

Doako izen-ematea: bidali zure datuak ekainaren 15a baino lehen info@surfilmfestibal helbidera eta erreserbatu zure lekua.

Pacotwok, Javi Muñozek, We Photo Agency, surf argazkilaritza, bidaiak, lifestyle, moda eta abarretan espezializatutako agentzia sortu du Sergio Villalbarekin batera. Aldizka 3Sesenta, SurfEurope, Surfing, Surfer… aldizkari espezializatuak argitaratzen ditu eta sektoreko zenbait markentzat lan egiten du, besteak beste, Volcomo, Oakley eta Quicksilver.

Iker Basterretxea, Roke, freelance argazkilaria da. Berak sortutako etxeko karkasa batekin hasi zen argazkiak egiten eta, surfari lotuta jarraitu arren, produktuan eta publizitatean oinarritzen da bere lana. Argazki analogikoaren defendatzailea da, eta lan askotan, proiektu pertsonaletan bereziki, filma erabiltzen jarraitzen du.