Eguneroko programa Surfilmfestibal: FILMAK
Maiatzak 31 ⋅ Ekainak 1 ⋅ Ekainak 2 ⋅ Ekainak 5 ⋅ Ekainak 6 ⋅ Ekainak 7 ⋅ Ekainak 8 ⋅ Ekainak 9 ⋅ Ekainak 10
Ekainak 2
KUTXA GAUA
SURF INDY: Filmak, argazkiak, musika eta janari goxoa!
Jatorrizko programa, bitxia eta mamitsua, gure spot gogokoenean!
Ilunsentia, gaua, Guardetxe magikoan. 5 urte eta gero, oso gogoko dugun programa berreskuratu dugu! Programa berezia, bitxia eta mamitsua prestatu dugu. Oraingoan ere, Japongo surf kulturarekin bat egingo dugu, JapaNing proposamenean. Gure lagun Kurando arduratu da proposamena diseinatzeaz. Japongo surf zinema, film labur ezin arraroagoak, musika, argazkiak… artista eta ekintzaile japoniarrek haien herrialdeko egoera azalduko digute, Tsunami ikaragarria eta hondamendi nuklearra sufritu zutenetik urte eta erdi igaro denean.
Igor Bellidoren hainbat film labur proiektatuko dugu, baita Smile-ren bideo-klipak, eta 70eko eta 80ko hamarkadan gure kostaldean ateratako argitaratu gabeko irudi harrigarri batzuk ere.
Sarrerak 7€, atean salgai. Plaza Mugatuak!
Kutxa Gaua Lekuko Zuendariak
Laburmetrai sesioa: Igor Bellido eta Smile, Algortako musika taldea
SMILE 5 Songs, 5 videos
John Franks -Smile taldea- musikoak egindako film laburrak
Erakusketa honen izena Kepa Aceroren "5 Waves, 5 Continents" lanetik hartuta dago.
Aspaldi, asteburu euritsu oso bat youtoubeko bideo-klipak ikusten pasa nuen; bideo-klip askotan surfarekin, hau da, gure jarduera eder honekin inolako zerikusirik ez duten gezurrezko irudiak agertzen ziren, surflarien bizimodua haien irudiari nolabaiteko pertsonalitatea emateko aprobetxatu nahian.
Orduan, benetako surfari buruzko 5 bideo egitea otu zitzaidan, eta horiek betidanik surfarekin harremana izan duen Smile taldearen 5 abestirekin osatzea.
Bideoak egiteko surfarekin nolabaiteko harremana duen jendearen laguntza izan nuen.
Besteak beste, Kepa Acero ─ Kepa eta hark Namibia, Indonesia, Alaska, Patagonia, Australiatik egindako bidaiak─ Karin Rejeb, Jan Latusek, Oficina de Hechos, Eduardo Escauriaza eta Bosco Imbert...
Igor Bellido
Igor duela gutxi hasi zen irudiak filmatzen eta horiek editatzen. Saio honetan, bere lehenengo lanak ikusteko aukera izango dugu, baita bere lan berrienak ere.
Igor is an up and coming local filmmaker who has been filming and editing images for only a short while. In this session, we'll go through several of his works, from his very first to his latest productions.
