Eguneroko programa Surfilmfestibal: FILMAK
Maiatzak 31 ⋅ Ekainak 1 ⋅ Ekainak 2 ⋅ Ekainak 5 ⋅ Ekainak 6 ⋅ Ekainak 7 ⋅ Ekainak 8 ⋅ Ekainak 9 ⋅ Ekainak 10
Ekainak 10
BENETAKO ZINEMA
Aurten ere, filmen alderdi independentea azpimarratuko dugu atal honetan. Izan ere, surfaren arloko komunikabide globalen radarretatik eta mainstream surf industriatik kanpo geratu diren istorioak jaso ditugu. Horrela, elkarren artean oso ezberdinak diren bi Brasil erakutsiko dizkiguten bi lan ikusi ahal izango ditugu: batetik, Brasilgo iparraldeko pataxó indiar gazte batek surfarekin duen harremana kontatuko duena, eta bestetik, Brasilgo alderik modernoena erakutsiko diguna. Loïc Wirth-ek surf garaikidera hurbilduko gaitu, era zehatz eta ederrean, gero eta hobeagoa den Brasilgo surfa dagokion lekuan ezarriz, hots, munduko surfaren gailurrean.
Benetako zinema eta euskarri berriak, orain arte oharkabe pasa diren istorioak kontatzeko modu berriak…berritasun horietara hurbiltzeko aukera eman digu sareak. Berritasun horien artean, aipagarria da Korduroy.tv, surf independentearen bozeramale bihurtu den Cyrus Sutton-en proiektua. Korduroy.tv artisau-surfaren plataforma berria da, eta munduari “iraunkortasun” komertzialetik haratago doan abangoardiako ikuspuntu batetik begiratzeko modu berria eskaintzen du.
OLATU HANDIAK: ARRAUNEAN vs Tow In
Gaur egungo big wave rider-en ustetan, olatu erraldoiak harrapatzeko modurik onena arraunketa egitea da. Baina, eztabaida guztiak negu honetan bukatu ziren, Jaws-en egindako saio historiko batzuetan. Bertan, argi eta garbi geratu zen arraunketa tow in estiloa baino egokiagoa dela olatu handiak hartzeko (nahiz eta egun batzuk lehenago horrelako olatuak arraunketan hartzea ezinezkoa zela pentsatu). Ohore handia da guretzat eskarmentu handia duten surflarien zein 15 urteko surflari harroen istorioak kontatuko dizkigun film hau mundu mailan estreinatzea. Horrez gain, Rodrigo Farias txiletarrak Mavericks eta Rapa Nuiko olatu magikoak ekarriko dizkigu. Jaialdiaren lagun ona eta Txileko surf garaikidearen historiaren narratzaile den honek, bere herrialdeko olatuak eta surflariak munduko eraginkorren artean kokatzea lortu du.
Antzoki Zaharra
Ekainak 10
20:30
Diamante negro
Rodrigo Farías. Txile. 2012. 10 min
Tahitiko swell eraldoi batera bidean, Kohl Christensen hawaiiarrak norabide hori uztea eta Rapa Nui uharte mitiko eta misteriotsura abiatzea erabakiko du. Bertan, saio epikoa bizituko du munduko olaturik isolatuenean.
