First Love maitasunari, adiskidetasunari eta ametsak gauzatu nahiari buruzkoa da. Film luze honek Phillip Islandeko hiru neskatil sutsuren bizitza kontatzen digu, baita haiek Hawaira egin duten bidaia ere: surfa euren lanbide bihurtu ahal izateko aurreneko pausoa.

Jess Laing, 17 urtekoa, surf eginez hazi da, baita bere bi lagunekin norgehiagoka arituz ere: Nikki van Dijk eta India Payne. Hiruak dituzte babesleak, hondartza berean egiten dute surf eta 10 minutura bizi dira elkarrengandik. Hiru neskak izaera desberdinekoak dira, baina argi dago hiruak direla surf zale amorratuak.

Irudi bikainekin eta fotografia zoragarriarekin, First Love filmak harrituta utziko gaitu, dibertitu egingo gaitu, eta emakumezko surfisten belaunaldi oso bat inspiratuko du.